Thought Catalog

Ganito kita kayang mahalin.

Sa mga salita,
Sa mga talata,
Sa tingin,
Sa pagmamasid.

Ganito kita kayang mahalin.

Sa panalangin ko tuwing gabi,
Sa panaginip,
Sa ilusyon,
Sa aking pangarap.

Ganito kita kayang mahalin.

Sa pagpikit ng aking mga mata
kapag may kasama kang iba.
Sa pagbibilang ng taon,
kung hanggang kailan ako aasa.

At hindi mo ako kayang mahalin.

Dahil hindi ako ang laman ng iyong mga salita.
Hindi ako bahagi ng iyong talata.
Hindi ka sa akin nakatingin,
dahil sa iba ka nakamasid.

Hindi mo ako kayang mahalin.

Hindi ako ang laman ng iyong panalangin.
Kahit sa panaginip ay siya pa rin.
Ang ilusyon mo’y kanya pa rin.
At ang mga pangarap mo ay para sa kanya pa rin.

Hindi mo ako kayang mahalin.

Dahil sa kanya nakatuon ang iyong atensyon.
Siya na ayaw mong may kasamang iba.
Siya na kasama mong magbibilang ng mga taon,
kung gaano kayo katagal na magsasama.

Pero ganito kita kayang mahalin.

Sa paalam.
Sa pagbitaw.
Maging masaya ka sana.
Pinapalaya na kita.

Advertisements
#Personal · Heart

Hi, Crush!

The first six photos were taken during our Baccalaureate Mass and Dinner and the last three were during our Graduation Day (18th and 19th of April 2017).

Congratulations, Love! (How I wish totoong tinatawag nga kitang Love. Hahaha).